ನ್ಯೂಸ್ ನಾಟೌಟ್: ಸಮಾಜದ ನೋವುಗಳಿಗೆ ಕಷ್ಟಗಳಿಗೆ ಸ್ಪಂದಿಸುವವನೇ ನಿಜವಾದ ನಾಯಕ. ಜನರ ಕಣ್ಣಲ್ಲಿ ಸಾಕ್ಷಾತ್ ದೇವರು. ಅಂತಹ ಪರಮೋಚ್ಚ ಸ್ಥಾನದಲ್ಲಿ ಬೆಳ್ತಂಗಡಿ ಜನರು ಕಾಣುವುದು ಶಾಸಕ ಹರೀಶ್ ಪೂಂಜಾರನ್ನು ಅನ್ನುವುದು ಇದೀಗ ಮತ್ತೊಮ್ಮೆ ಸಾಬೀತಾಗಿದೆ.
ಬೆಳ್ತಂಗಡಿ ಯುವಕನ ಮೇಲೆ ಪುಂಡರ ತಂಡ ಬೆಂಗಳೂರಿನಲ್ಲಿ ದಾಳಿ ನಡೆಸಿತ್ತು. ಭಾರಿ ಹಲ್ಲೆ ನಡೆಸಿತ್ತು. ಈ ವಿಷಯ ತಿಳಿಯುತ್ತಲೇ ಶಾಸಕ ಹರೀಶ್ ಪೂಂಜಾ ಪೊಲೀಸ್ ಠಾಣೆ ಮೆಟ್ಟಿಲೇರಿ ತನ್ನ ಕ್ಷೇತ್ರದ ಹುಡುಗನ ಮೇಲೆ ಕೈ ಮಾಡಿದವರ ಮೇಲೆ ಕಠಿಣ ಕಾನೂನು ಕ್ರಮ ತೆಗೆದುಕೊಳ್ಳಬೇಕು ಎಂದು ಪೊಲೀಸರನ್ನು ಒತ್ತಾಯಿಸಿದ್ದಾರೆ. ಈ ವಿಚಾರ ಇದೀಗ ಎಲ್ಲ ಕಡೆ ವೈರಲ್ ಆಗುತ್ತಿದ್ದು ಕ್ಷೇತ್ರದ ಶಾಸಕರ ಕಾರ್ಯವೈಖರಿ ಬಗ್ಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.
>
ಬೆಂಗಳೂರಿನ ಜೀವನ್ ಭೀಮಾ ನಗರದಲ್ಲಿ ಬೆಳ್ತಂಗಡಿಯ ಯುವಕ ಶೈಲೇಶ್ ಅವರ ಮೇಲೆ ಮದ್ಯಪಾನ ನಶೆಯಲ್ಲಿ ಪುಂಡರ ತಂಡ ದಾಳಿ ನಡೆಸಿತ್ತು. ಇಂತಹ ವಿಚಾರಗಳು ಎದುರಾದಾಗ ಅದೆಷ್ಟೋ ನಮ್ಮ ಜನ ಪ್ರತಿನಿಧಿಗಳು ನೈಸಾಗಿ ಅಲ್ಲಿಂದ ಜಾರುವುದನ್ನು ನೋಡಿದ್ದೇವೆ. ಆದರೆ ತನ್ನ ಕ್ಷೇತ್ರದ ಅಮಾಯಕ ಹುಡುಗನ ಮೇಲಿನ ಹಲ್ಲೆಯನ್ನು ಹರೀಶ್ ಪೂಂಜಾ ಗಂಭೀರವಾಗಿ ತೆಗೆದುಕೊಂಡರು. ಜನಪ್ರತಿನಿಧಿಯಾಗಿ ಏನು ಮಾಡಬೇಕೋ ಅದನ್ನು ಕ್ಷಿಪ್ರವಾಗಿ ಮಾಡಿದರು. ಗೃಹ ಸಚಿವ ಅರಗ ಜ್ಞಾನೇಂದ್ರ ಅವರಿಗೆ ದೂರವಾಣಿ ಮೂಲಕ ಕರೆ ಮಾಡಿ ಸಮಾಜ ಘಾತುಕ ಶಕ್ತಿಗಳನ್ನು ತಕ್ಷಣ ಬಂಧಿಸಬೇಕು ಎಂದು ಒತ್ತಾಯಿಸಿದ್ದಾರೆ. ಮಾತ್ರವಲ್ಲ ಜೀವನ್ ಭೀಮಾ ನಗರ ಪೊಲೀಸ್ ಠಾಣೆಗೆ ಭೇಟಿ ನೀಡಿ ಇನ್ಸ್ ಪೆಕ್ಟರ್ ಅವರನ್ನು ಭೇಟಿಯಾಗಿ ಕ್ರಮ ತೆಗೆದುಕೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.
