ನ್ಯೂಸ್ ನಾಟೌಟ್ : ನಾಲ್ಕೂರು ಗ್ರಾಮದ ಜೀವನ್ ಚತ್ರಪ್ಪಾಡಿ ಭೂ ಸೇನೆಗೆ ನೇಮಕವಾಗಿದ್ದಾರೆ. ಸತತ ಪ್ರಯತ್ನದಿಂದ ಸೇನೆಗೆ ನೇಮಕಾತಿ ಆಗುವ ಮೂಲಕ ಸಾಧನೆ ಮಾಡಿದ್ದಾರೆ.
ಯಾರಿವರು ಜೀವನ್ ?
ಮೂಲತಃ ಕನಕಮಜಲಿನವರಾಗಿದ್ದು ಸುತ್ತುಕೋಟೆ ಮನೆತನದವರು. ಪುಸ್ತುತ ಚತ್ರಪ್ಪಾಡಿ ನಿವಾಸಿ. ದಿನಕರ ಗೌಡ ಮತ್ತು ದೇವಕಿ ದಂಪತಿಗಳ ಪುತ್ರ ಜೀವನ್ ಚತ್ರಪ್ಪಾಡಿ ಚಿಕ್ಕಂದಿನಿಂದಲೂ ಸೇನೆ ಕುರಿತು ಆಸಕ್ತಿ ಹೊಂದಿದ್ದರು. ಇಂದು ಅವರ ಕನಸು ನನಸಾಗಿದ್ದು ನಾಳೆ ಕರ್ತವ್ಯ ನಿರ್ವಹಿಸಲು ಮಹಾರಾಷ್ಟ್ರಕ್ಕೆ ತೆರಳಲಿದ್ದಾರೆ.ಇವರು ಪ್ರಾಥಮಿಕ ಶಿಕ್ಷಣವನ್ನು ಮಟ್ಟಿನಡ್ಕ ಮತ್ತು ಪಾಲ್ತಾಡಿಯಲ್ಲಿ ಪೂರ್ಣಗೊಳಿಸಿದರು. ಗುತ್ತಿಗಾರಿನಲ್ಲಿ ಪ್ರೌಢಶಾಲಾ ಶಿಕ್ಷಣ ಪಡೆದರು. ಪದವಿ ಶಿಕ್ಷಣವನ್ನು ಗಾಂಧಿನಗರ ಪದವಿ ಪೂರ್ವ ಕಾಲೇಜಿನಲ್ಲಿ ಪೂರ್ಣಗೊಳಿಸಿದರು.
>
ಸದಾ ಕ್ರಿಯಾಶೀಲರಾಗಿದ್ದ ಇವರು ಹಾವೇರಿಯಲ್ಲಿ ನಡೆದ ರ್ಯಾಲಿಯಲ್ಲಿ ಪಾಲ್ಗೊಂಡು ಸೇನೆಗೆ ಆಯ್ಕೆಯಾಗಿದ್ದಾರೆ.ನಾಳೆ ಭೂ ಸೇನೆಯಲ್ಲಿ ಕರ್ತವ್ಯ ನಿರ್ವಹಿಸಲು ಮಹಾರಾಷ್ಟ್ರಕ್ಕೆ ತೆರಳಲಿದ್ದಾರೆ.
