ನ್ಯೂಸ್ ನಾಟೌಟ್ : ಬಿಗ್ ಬಾಸ್ ಮನೆಯಲ್ಲಿ ವಿವಾದಗಳಿಂದಲೇ ಹೆಚ್ಚು ಸದ್ದು ಮಾಡುತ್ತಿರುವ ಸೋಶಿಯಲ್ ಮೀಡಿಯಾದ ವಿಡಿಯೋಗಳಿಂದಲೇ ನಟಿಯಾಗಿ ಗುರುತಿಸಿಕೊಂಡ ಸೋನು ಶ್ರೀನಿವಾಸ್ ಗೌಡ ಅಲಿಯಾಸ್ ಶಾಂಭವಿ ಗೌಡ. ಬಿಗ್ ಬಾಸ್ ಟಾಸ್ಕ್ ವೇಳೆ ಬಾಯ್ ಫ್ರೆಂಡ್ ಜತೆಗೆ ವಿಡಿಯೋ ಕಾಲ್ ಮಾಡಲು ಹೋಗಿ ಎಡವಟ್ಟಾಗಿರುವ ಕಥೆಯನ್ನು ಬಿಚ್ಚಿಟ್ಟು ಕಣ್ಣೀರಿಟ್ಟಿದ್ದಾರೆ. ನನಗೆ ಮೋಸ ಮಾಡಿರುವ ವ್ಯಕ್ತಿಯ ನೆನೆದು ಇನ್ನೊಂದು ವಿಡಿಯೋವನ್ನು ಅವನು ಯಾವಾಗ ಬಿಡುಗಡೆ ಮಾಡುತ್ತಾನೋ ಗೊತ್ತಿಲ್ಲ ಎಂದು ಹೇಳಿದ್ದಾರೆ. ಟಾಸ್ಕ್ ವೇಳೆ ಇದರ ಬಗ್ಗೆ ಅವರು ಏನು ಹೇಳಿದ್ರು ಅನ್ನುವುದರ ಕಂಪ್ಲೀಟ್ ಡಿಟೇಲ್ಸ್ ಇಲ್ಲಿದೆ ಓದಿ.
ಒಬ್ಬ ಹುಡುಗ ನನಗೆ ಪ್ರಪೋಸ್ ಮಾಡಿದ.. ನಾನು ನಿನ್ನ ತುಂಬಾ ಮಿಸ್ ಮಾಡ್ಕೋತಿದ್ದೀನಿ ಅಂತ ಹೇಳಿದ್ದ. ನೀನು ನನ್ನನ್ನು ಟ್ರೂ ಲವ್ ಮಾಡ್ತಿದ್ದೀಯಾ ಅಲ್ವಾ..? ವಿಡಿಯೋ ಕಾಲ್ ಮಾಡು ಅಂತ ಹೇಳಿದ್ದ. ನಾನು ಆಗೋದಿಲ್ಲ. ನನಗೆ ಭಯ ಆಗುತ್ತೆ ಅಂತ ಹೇಳಿದ್ದೆ. ಇದಕ್ಕೆ ನೀನು ಬೆಂಗಳೂರಿನಲ್ಲೇ ಯಾರನ್ನೇ ಲವ್ ಮಾಡ್ತಿದ್ದೀಯಾ. ಅದಕ್ಕೆ ನನ್ನ ಜೊತೆ ಈ ರೀತಿ ಮಾತನಾಡ್ತಿದ್ದೀಯ? ಅಂತ ಹೇಳಿದ್ದ.
>
ಬೇರೆ ದಾರಿ ಇಲ್ಲದೇ ನಾನು ಆಗ ವಿಡಿಯೋ ಕಾಲ್ ಮಾಡಿದೆ. ಅದನ್ನು ಅವನು ಎಲ್ಲಾ ರೆಕಾರ್ಡ್ ಮಾಡಿ ಇಟ್ಟುಕೊಂಡಿದ್ದ. ಇದು ಆಗಿ ಒಂದು ತಿಂಗಳಾದ ಮೇಲೆ ನನ್ನ ಜೊತೆ ತುಂಬಾ ಕೆಟ್ಟದಾಗಿ ಮಾತನಾಡೋಕೆ ಶುರು ಮಾಡಿದ. ಆತನ ವರ್ತನೆ ಕಂಡು ನೀನು ಯಾಕೆ ಹೀಗೆಲ್ಲ ಮಾತನಾಡ್ತಿದ್ದೀಯಾ ಅಂತ ಕೇಳಿದೆ. ಅದಕ್ಕೆ ಆತ ಹೇಳಿದ ನೀನು ನನ್ನ ಬಿಟ್ಟು ಬೇರೆ ಯಾರನ್ನು ಮದ್ವೆ ಆಗೋಕೆ ಆಗೋದಿಲ್ಲ. ಅದಕ್ಕೆ ಆ ರೀತಿ ಮಾಡಿದ್ದೀನಿ ಅಂದ. ಆಗ ನಾನು ಏನ್ ಮಾಡಿದ್ದೀಯಾ ಹೇಳು ಅಂತ ಕೇಳಿದಕ್ಕೆ ವಿಡಿಯೋ ಕಳಿಸಿದ. ಒಂದು ಕ್ಷಣ ನನ್ನ ಮನೆ ಮಾನ ಮಾರ್ಯದೆ ತೆಗೆದು ಬಿಟ್ಟ ಅನ್ನಿಸ್ತು. ಅವನ ಹತ್ರ ಎರಡು ವಿಡಿಯೋ ಇತ್ತು. ಅದರಲ್ಲಿ ಒಂದು ವಿಡಿಯೋವನ್ನ ಬಿಟ್ಟಿದ್ದಾನೆ. ಇನ್ನೊಂದು ವಿಡಿಯೋ ಯಾವಾಗ ಬಿಡ್ತಾನೋ ಗೊತ್ತಿಲ್ಲ. ನನಗೆ ಆಗಿರೋದು ಮತ್ತೆ ಯಾವ ಹೆಣ್ಣಿಗೂ ಆಗೋದು ಬೇಡ. ಆದರೆ ಸ್ಟ್ರಾಂಗ್ ಆಗಿ ಇರಬೇಕು. ನಮ್ಮ ಅಮ್ಮ ನನಗೆ ಧೈರ್ಯ ಕೊಟ್ರು. ಅವರಿಗೆ ತುಂಬಾ ಬೇಜಾರಾಗಿದೆ. ನಮ್ಮ ಅಮ್ಮನಿಗೆ ನಾನು ಕ್ಷಮೆ ಕೇಳೀನಿ ಎಂದು ಹೇಳಿಕೊಂಡಿದ್ದಾರೆ.
