ನ್ಯೂಸ್ ನಾಟೌಟ್ : ಬಿಗ್ ಬಾಸ್ ಮೂಲಕ ಮನೆಮಾತಾಗಿದ್ದ ಸಾನ್ಯಾ ಅಯ್ಯರ್ ಪದವಿ ಮುಗಿಸಿದ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿರುವ ಸಾನ್ಯಾ ಅಯ್ಯರ್ ‘ಗ್ರ್ಯಾಜುವೇಶನ್ ಗುರು’ ಎಂಬ ಅಡಿ ಬರಹದೊಂದಿಗೆ ಫೋಟೋ ಅಪ್ಲೋಡ್ ಮಾಡಿದ್ದಾರೆ.ಇದಕ್ಕೆ ಸಾನ್ಯಾ ಅವರ ತಾಯಿ ‘ಮಾಸ್ ಮೀಡಿಯಾ ಮತ್ತು ಮಾಸ್ ಕಮ್ಯೂನಿಕೇಷನ್ನಲ್ಲಿ ಸಾನ್ಯಾ ಫಸ್ಟ್ ಕ್ಲಾಸ್ ವಿತ್ ಡಿಸ್ಟಿಂಕ್ಷನ್ನಲ್ಲಿ ಮುಗಿಸಿರುವುದಕ್ಕೆ ನಿನ್ನ ಬಗ್ಗೆ ಹೆಮ್ಮೆ ಇದೆ ಮಗಳೆ ಎಂದು ತಾಯಿ ರೂಪಾ ಅಯ್ಯರ್ ಬರೆದುಕೊಂಡಿದ್ದಾರೆ.
ಮಗಳಿಗೆ ಡಿಸ್ಟಿಂಕ್ಷನ್ :
>
ಪುಟ್ಟಗೌರಿ ಧಾರವಾಹಿ ಮೂಲಕ ಕನ್ನಡಿಗರಿಗೆ ಪರಿಚಯವಾದ ಸಾನ್ಯಾ ಅಯ್ಯರ್ ಮುಂದೆ, ಡ್ಯಾನ್ಸಿಂಗ್ ಸ್ಟಾರ್ ಹಾಗೂ ಬಿಗ್ ಬಾಸ್ ಮೂಲಕ ಹತ್ತಿರವಾದರು. ಬಿಗ್ ಬಾಸ್ ನಲ್ಲಿ ನಟ ರೂಪೇಶ್ ಶೆಟ್ಟಿ ಅವರೊಂದಿಗೆ ಪ್ರೀತಿಯಲ್ಲಿದ್ದಾರೆ ಎಂಬ ಸುದ್ದಿಯೂ ಕೇಳಿ ಬಂದಿತ್ತು. ಡಿಸ್ಟಿಂಕ್ಷನ್ ನಲ್ಲಿ ಪಾಸಾಗಿರುವ ಬಗ್ಗೆ ಮುಂದುವರಿದು ಮಾತನಾಡಿದ ಸಾನ್ಯಾ ತಾಯಿ, ‘ನನ್ನ ಮಗಳು ಕಾಲೇಜಿಗೆ ಹೋಗಿಲ್ಲ, ಕಲಿಯುತ್ತಿರಲಿಲ್ಲ ಅಂತ ತುಂಬಾ ಜನ ಕಮೆಂಟ್ ಮಾಡಿದ್ದರು. ಜೂನ್ ತಿಂಗಳಲ್ಲಿ ಆಕೆ ಪರೀಕ್ಷೆ ಬರೆದಿದ್ದಾಳೆ. ಇದೀಗ ಡಿಸ್ಟಿಂಕ್ಷನ್ ನೊಂದಿಗೆ ಆಕೆ ತೇರ್ಗಡೆಯಾಗಿದ್ದಾಳೆ’ ಎಂದು ಸಂತಸ ಹಂಚಿಕೊಂಡಿದ್ದಾರೆ.
ಕೈ ಹಿಡಿದೆಳೆದ ಅಭಿಮಾನಿ:
ನಟಿ ಸಾನ್ಯಾ ಅಯ್ಯರ್ ಮೊನ್ನೆಯಷ್ಟೇ ಪುತ್ತೂರಿಗೆ ಆಗಮಿಸಿದ್ದರು.ಕಂಬಳ ನೋಡಲೆಂದು ಬಂದಿದ್ದ ಸಾನ್ಯಾ ಅಯ್ಯರ್ ಅವರ ಕೈಯನ್ನು ಅವರ ಅಭಿಮಾನಿಯೊಬ್ಬರು ಹಿಡಿದೆಳೆದ್ದಾರೆ ಎನ್ನುವ ಸುದ್ದಿ ಬಾರಿ ವೈರಲ್ ಆಗಿತ್ತು. ಸೆಲ್ಫಿ ತೆಗೆದುಕೊಳ್ಳುವ ನೆಪದಲ್ಲಿ ಕಿರುತೆರೆ ನಟಿಯ ಕೈಯನ್ನು ಬಂದು ಹಿಡಿದುಕೊಂಡಿದ್ದಾನೆ ಅಭಿಮಾನಿ.ನಟಿ ಭಾಷಣ ಮಾಡುತ್ತಿದ್ದ ಸಮಯದಲ್ಲಿ ಐ ಲವ್ ಯೂ ಎಂದು ಹೇಳಿ ಕಿರುಚುತ್ತಿದ್ದ ಅಭಿಮಾನಿ ಬಳಿಕ ವೇದಿಕೆಯಿಂದ ಇಳಿದ ನಟಿಯ ಕೈ ಹಿಡಿದಿದ್ದಾನೆ. ಈ ದಿಢೀರ್ ಘಟನೆಯಿಂದ ನಟಿ ಮುಜುಗರಕ್ಕೊಳಗಾದ ಘಟನೆ ನಡೆಯಿತು.
