ನ್ಯೂಸ್ ನಾಟೌಟ್: ಸಿನಿಮಾ ನಟರು ಕೇವಲ ತೆರೆಯ ಮೇಲೆ ಮಾತ್ರ ಸೂಪರ್ ಸ್ಟಾರ್ ಆಗಿರುತ್ತಾರೆ. ಆದರೆ, ನಿಜ ಜೀವನದಲ್ಲಿ ಆದರ್ಶರಾಗಿ ಇರುವುದು ಕೆಲವೇ ಕೆಲವು ಮಂದಿ.
ಚಿತ್ರರಂಗದಲ್ಲಿ ಅತ್ಯದ್ಭುತ ನಟನೆಯಿಂದ ಗಮನ ಸೆಳೆದ ನಟರಲ್ಲಿ ವಿಶಾಲ್ ಕೂಡ ಒಬ್ಬರು. ಯಾವುದೇ ಚಿತ್ರರಂಗದ ಹಿನ್ನೆಲೆಯಿಲ್ಲದೆ ಬಂದು ಸಿನಿಮಾ ರಂಗದಲ್ಲಿ ಹೆಸರು ಮಾಡಿದ್ದಾರೆ. ಅತೀ ಚಿಕ್ಕ ವಯಸ್ಸಿಗೆ ತಮಿಳು ಸಿನಿಮಾ ಇಂಡಸ್ಟ್ರಿಯ ನಿರ್ಮಾಪಕ ಸಂಘದ ಅಧ್ಯಕ್ಷರಾಗಿ ಸಿನಿಮಾ ಪರ ಹೊಸ ಹೊಸ ಯೋಜನೆಗಳನ್ನು ತಂದಿದ್ದರು. ಬಡ ಹೆಣ್ಣು ಮಕ್ಕಳ ಶಿಕ್ಷಣಕ್ಕೆ ಮತ್ತು ಅವರ ಏಳಿಗೆಗೆ ಸಿನಿಮಾದಿಂದ ಬರುವ ಕೆಲವೊಂದಿಷ್ಟು ಹಣವನ್ನು ದೇಣಿಗೆ ನೀಡಿದ್ದಾರೆ. ಇವರು ತಮ್ಮ ಮದುವೆಯ ವಿಚಾರದಲ್ಲಿಯೂ ಆದರ್ಶ ಮೆರೆದಿದ್ದಾರೆ. ಹೌದು ಇತ್ತೀಚೆಗೆ ನಡೆದ ಖಾಸಗಿ ಸಂದರ್ಶರೊಂದರಲ್ಲಿ ‘ನಾನು ಮದುವೆಯಾಗಲಿದ್ದೇನೆ’ ಎಂದು ಹೇಳಿದ್ದರು. ದಕ್ಷಿಣ ಭಾರತದ ಹೆಸರಾಂತ ನಟಿ ಅಭಿನಯ ಅವರನ್ನು ವಿವಾಹವಾಗಲು ಮುಂದಾಗಿದ್ದಾರೆ.
>
ಅಭಿನಯ ಅವರು ಕನ್ನಡದ ಹುಡುಗರು ಸಿನಿಮಾದಲ್ಲಿ ಪುನೀತ್ ರಾಜಕುಮಾರ್ ಅವರ ತಂಗಿಯಾಗಿ ಮತ್ತು ಶ್ರೀನಗರದ ಕಿಟ್ಟಿ ಅವರಿಗೆ ಜೋಡಿಯಾಗಿ ಪಾತ್ರವನ್ನು ನಿರ್ವಹಿಸಿದ್ದರು. ಇಲ್ಲಿ ವಿಶೇಷವೇನೆಂದರೆ ಅಭಿನಯ ಅವರಿಗೆ ಕಿವಿಯು ಕೇಳಿಸುವುದಿಲ್ಲ. ಹಾಗೂ ಮಾತು ಬರುವುದಿಲ್ಲ, ಈ ಹುಡುಗಿಯನ್ನು ವಿಶಾಲ್ ಮನಸಾರೆ ಪ್ರೀತಿಸಿ ಮದುವೆಯಾಗಲು ಹೊರಟಿದ್ದಾರೆ. ವಿಶಾಲ್ ಅವರ ಹೃದಯ ವೈಶಾಲ್ಯದ ಬಗ್ಗೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗಿದೆ. ಇವರ ಪ್ರೇಮ ಕಥೆಯನ್ನು ಕೇಳಿ ಅಭಿಮಾನಿಗಳಲ್ಲಿ ಸಂತಸ ಮೂಡಿದೆ.
