ನ್ಯೂಸ್ ನಾಟೌಟ್ : ಹೆಣ್ಣು ಮಕ್ಕಳು ತಾನು ಮದುವೆಯಾಗುತ್ತಿರುವ ಹುಡುಗ ಉದ್ಯೋಗದಲ್ಲಿರಬೇಕೆಂದು ಬಯಸುವುದು ಸಹಜ.ಕಷ್ಟ ಪಟ್ಟು ಉದ್ಯೋಗ ಅರಸಿ ಅತ್ತ ನುಂಗೋದಕ್ಕು ಆಗದೇ, ಇತ್ತ ಉಗುಳೋದಕ್ಕು ಆಗದಿರುವಂತೆ ಸಂಬಳ ಸಿಕ್ಕರೂ ಹೆಚ್ಚಿನ ಹುಡುಗಿಯರು ತನ್ನ ಹುಡುಗ ಉದ್ಯೋಗದಲ್ಲಿರಬೇಕು, ಹಾಗಿರಬೇಕು, ಹೀಗಿರಬೇಕೆಂದು ಪಟ್ಟಿ ಮಾಡುತ್ತಿರುತ್ತಾರೆ.ಆದರೆ ಇಲ್ಲೊಬ್ಬ ಯುವಕ ವಿಶೇಷ ರೀತಿಯ ಹರಕೆ ಹೊತ್ತು ಸುದ್ದಿಯಾಗಿದ್ದಾನೆ.
ವಿಜಯನಗರದ ಚಿಮ್ಮನಹಳ್ಳಿ ಈ ಘಟನೆ ನಡೆದಿದೆ. ನಾಗರಾಜ್ ಎಂಬ ಯುವಕನ ವಿಶೇಷ ಹರಕೆ ಇದಾಗಿದ್ದು,ಜಾತ್ರೆ ವೇಳೆ ರಥ ಬರುತ್ತಿದ್ದಂತೆಯೇ ರಥಕ್ಕೆ ಎರಡು ಬಾಳೆಹಣ್ಣನ್ನು ಬಿಸಾಕಿದ್ದಾನೆ. ‘ಜನರ ಮನಸ್ಸು ಬದಲಾಗಲಿ,ರೈತರಿಗೆ ಹೆಣ್ಣು ಕೊಡಲಿ’ ಎಂದು ಬರೆದು ಇದೀಗ ಸುದ್ದಿಯಾಗಿದ್ದಾನೆ. ಯುವಕ ಕಳೆದ ಕೆಲ ಸಮಯಗಳಿಂದ ಹೆಣ್ಣು ಹುಡುಕಲು ಹೋಗಿ ಈ ಸಮಸ್ಯೆಯನ್ನು ಎದುರಿಸಿದ್ದಾನೆ ಎಂಬ ಕಾರಣಕ್ಕೆ ಈ ವಿಶೇಷ ರೀತಿಯ ಹರಕೆ ಹೇಳಿರಬಹುದು, ಅಥವಾ ಇತ್ತೀಚಿನ ದಿನಗಳಲ್ಲಿ ರೈತರಿಗೆ ಹೆಣ್ಣು ಕೊಡುವವರ ಸಂಖ್ಯೆ ಕಡಿಮೆಯಾಗಿದ್ದು ಅದರಿಂದ ಬೇಸತ್ತು ಈ ವಿಶೇಷ ಹರಕೆ ಹೇಳಿರಲೂ ಬಹುದು ಎಂದು ಜನರಾಡಿಕೊಳ್ಳುತ್ತಿದ್ದಾರೆ. ಸದ್ಯ ಈ ಯುವಕನ ಹರಕೆಯ ಪೋಟೋ ಎಲ್ಲೆಡೆ ವೈರಲ್ ಆಗುತ್ತಿದೆ.
>
ರೈತರು ಉದ್ಯೋಗಸ್ಥರಿಗಿರುವ ಆದಾಯಕ್ಕಿಂತ ನಾಲ್ಕು ಪಟ್ಟು ಹೆಚ್ಚು ಸಂಪಾದನೆಯಲ್ಲಿದ್ದರೂ ಮನೆಯಲ್ಲಿರುವ ಯುವಕ ನಮಗೆ ಬೇಡ ಎಂದು ಎಸ್ಕೇಪ್ ಆಗುವ ಯುವತಿಯರೇ ಜಾಸ್ತಿ.ಹೀಗಾಗಿ ಕೆಲವು ರೈತರ ಪಾಡು ಹೇಳತೀರದಾಗಿದೆ.ಮದುವೆಯಾಗುವುದಕ್ಕೆ ಹುಡುಗಿಯೇ ಸಿಗುತ್ತಿಲ್ಲ ಅನ್ನುವ ಕೂಗು ಕೇಳಿಬರುತ್ತಿದೆ. ಯುವಕನೋರ್ವ ಈ ಪ್ರಯುಕ್ತ ದೇವರಿಗೆ ವಿಚಿತ್ರ ಹರಕೆ ಹೇಳಿದ್ದು,ಹೆಣ್ಣು ಹೆತ್ತ ಮನೆಯವರ ಮನಸ್ಸು ಬದಲಾಯಿಸು ಎಂದು ಮನವಿ ಮಾಡಿದ್ದಾನೆ.
