ನ್ಯೂಸ್ ನಾಟೌಟ್ : ಕ್ರಿಕೆಟ್ ನ್ನು ಇಷ್ಟ ಪಡದವರು ಯಾರಿದ್ದಾರೆ ಹೇಳಿ..ಚಿಕ್ಕ ಮಕ್ಕಳಿಂದ ಹಿಡಿದು ಹಿರಿಯವರೆಗೆ ಎಲ್ಲರೂ ಇಷ್ಟ ಪಡುವ ಕ್ರೀಡೆ ಅಂದರೆ ಅದು ಕ್ರಿಕೆಟ್.ಟೀ ಇಂಡಿಯಾ ಸ್ಟಾರ್ ಆಟಗಾರರೆಂದರೆ ಅವರ ಮೇಲೆ ಸ್ಪೆಶಲ್ ಅಭಿಮಾನ.ಅವರ ಜೀವನ ಶೈಲಿ ಬಗ್ಗೆ ತಿಳಿದುಕೊಳ್ಳುವುಕ್ಕೆ ಜನ ಕಾಯುತ್ತಿರುತ್ತಾರೆ.ಜೀವನ,ಮದುವೆ,ಕೌಟುಂಬಿಕ ಹಿನ್ನಲೆ ಬಗ್ಗೆ ತಿಳಿದುಕೊಳ್ಳುವ ಕಾತುರ ಅವರ ಅಭಿಮಾನಿ ಬಳಗದವರಲ್ಲಿ ಇರುತ್ತೆ.ಇನ್ನು ಬಾಲಿವುಡ್ ಹಾಗೂ ಕ್ರಿಕೆಟ್ ಗೂ ಅದೇನೋ ಅವಿನಾಭಾವ ಸಂಬಂಧವೆಂದೇ ಹೇಳಬಹುದು.ಹೆಚ್ಚಿನ ಕ್ರಿಕೆಟ್ ದಿಗ್ಗಜರು ಬಾಲಿವುಡ್ ನಟಿಯರನ್ನು ಮದುವೆಯಾಗಿದ್ದಿದೆ. ನಟಿ ಅನುಷ್ಕಾ ಶರ್ಮ ಕಿಂಗ್ ವಿರಾಟ್ ಕೊಹ್ಲಿಯವರನ್ನು ಮದುವೆಯಾಗಿದ್ದಾರೆ,ಹೀಗೆ ಮದುವೆಯಾದ ಸಾಲಿಗೆ ಇಲ್ಲೊಬ್ಬರು ನಟಿ ಸೇರಿಕೊಳ್ಳುತ್ತಾರೆ ಅವರೇ ಸಾಗರಿಕಾ ಘಾಟ್ಗೆ.
‘ಚಕ್ ದೇ ಇಂಡಿಯಾ’ ಚೆಲ್ವೆ:
>
ಈ ಹೆಸರು ಕೊಂಚ ಅಪರಿಚಿತ ಎಂದೆನಿಸಿದರೂ ಇವರು ಪರಿಚಿತರೇ. ಏಕೆಂದರೆ ಟೀಂ ಇಂಡಿಯಾದ ಖ್ಯಾತ ಕ್ರಿಕೆಟಿಗ ಜಹೀರ್ ಅವರ ಮಡದಿ . ಅಷ್ಟೇ ಅಲ್ಲ, ಬಾಲಿವುಡ್ ನಲ್ಲಿ ಸಖತ್ ಸದ್ದು ಮಾಡಿದ್ದ ‘ಚಕ್ ದೇ ಇಂಡಿಯಾ’ ಸಿನಿಮಾದಲ್ಲಿ ಸಾಗರಿಕ ನಟಿಸಿ ಪ್ರಸಿದ್ದಿ ಪಡೆದಿದ್ದಾರೆ. ಮಹಾರಾಷ್ಟ್ರದ ಕೊಲ್ಲಾಪುರದಲ್ಲಿ ಜನಿಸಿದ ಸಾಗರಿಕಾ ಹಲವು ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.ಜಹೀರ್ ಮತ್ತು ಸಾಗರಿಕಾ ಅವರ ಸಂಬಂಧವು ಮುನ್ನೆಲೆಗೆ ಬಂದಿದ್ದು, ಇಬ್ಬರೂ ಯುವರಾಜ್ ಸಿಂಗ್ ಮತ್ತು ಹೇಜೆಲ್ ಕೀಚ್ ಅವರ ಮದುವೆಯ ಸಂದರ್ಭದಲ್ಲಿ. ಇವರರಿಬ್ಬರು ಒಟ್ಟಿಗೆ ಹಾಜರಾಗಿದ್ದರು. ಇದಕ್ಕೂ ಮುನ್ನ ಸಾಗರಿಕಾ ಅನೇಕ ಐಪಿಎಲ್ ಪಂದ್ಯಗಳ ಸಂದರ್ಭದಲ್ಲಿ ಕಾಣಿಸಿಕೊಂಡು ಸುದ್ದಿಯಾಗಿದ್ದರು.
ಸಾಗರಿಕಾ ಪಾತ್ರ ಅವಿಸ್ಮರಣೀಯ:
‘ಚಕ್ ದೇ ಇಂಡಿಯಾ’ ಚಿತ್ರದಲ್ಲಿ ಸಾಗರಿಕಾ ಪಾತ್ರ ಅವಿಸ್ಮರಣೀಯ. ಅವರ ಹಾವ-ಭಾವ, ಅಭಿನಯ ಕಲ್ಪನೆಗೂ ನಿಲುಕದ್ದು,ಪ್ರೀತಿ ಸಬರ್ವಾಲ್ ಪಾತ್ರದಿಂದ ಅವರು ಸಾಕಷ್ಟು ಪ್ರಸಿದ್ಧರಾದರು. ನಂತರ ಅವರು ‘ಫಾಕ್ಸ್’ ಚಿತ್ರದಲ್ಲಿ ಊರ್ವಶಿ ಮಾಥುರ್ ಪಾತ್ರದಲ್ಲಿ ಕಾಣಿಸಿಕೊಂಡರು. ‘ಫಿಯರ್ ಫ್ಯಾಕ್ಟರ್: ಖತ್ರೋನ್ ಕೆ ಖಿಲಾಡಿ (ಸೀಸನ್ 6)’ ನಲ್ಲಿ ಸಾಗರಿಕಾ ಕಾಣಿಸಿಕೊಂಡಿದ್ದಾರೆ. ಜೊತೆಗೆ ‘ಮಿಲೇ ನಾ ಮಿಲೇ ಹಮ್’ ಮತ್ತು ‘ರಶ್’ ಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದಾರೆ. ಚಿತ್ರದಲ್ಲಿ ಅವರ ಅಭಿನಯದಷ್ಟೇ ಚೆನ್ನಾಗಿ ಅವರಿರುವುದಕ್ಕೆ ಅವರಿಗೆ ಈಗಲೂ ಫ್ಯಾನ್ ಫಾಲೋವರ್ಸ್ ಇದ್ದಾರೆ ಅನ್ನೋದು ವಿಶೇಷ.
