ನ್ಯೂಸ್ ನಾಟೌಟ್ : ಒಂದಷ್ಟು ವಿವಾದಗಳನ್ನು ತನ್ನ ಮೈ ಮೇಲೆ ಹಾಕಿಕೊಂಡಿದ್ದ ಪಠಾಣ್ ಚಿತ್ರ ಕೊನೆಗೂ ತೆರೆ ಕಂಡಿದೆ.ಜ.೨೫ರಂದು ತೆರೆ ಕಂಡ ಈ ಚಿತ್ರಕ್ಕೆ ಸಿನಿ ಪ್ರೇಮಿಗಳಿಂದ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ.ಬಾಲಿವುಡ್ ನ ಹೆಸರಾಂತ ನಟ ಶಾರುಖ್ ಖಾನ್ ಹಾಗೂ ಗುಳಿ ಕೆನ್ನೆ ಚೆಲ್ವೆ ದೀಪಿಕಾ ಪಡುಕೋಣೆ ಅಭಿನಯಿಸಿರುವ ಈ ಚಿತ್ರವನ್ನು ಸಿನಿ ಪ್ರೇಮಿಗಳು ಮೆಚ್ಚಿದ್ದು, ಯಶಸ್ವಿ ಪ್ರದರ್ಶನ ಕಾಣುತ್ತಿದೆ.
ಪಠಾಣ್ ಅದ್ಭುತ ಮೂವಿ:
>
ಬಾಯ್ಕಾಟ್ ನಂತಹ ಆತಂಕಗಳನ್ನೂ ಮೆಟ್ಟಿ ನಿಂತು ಚಿತ್ರಮಂದಿರಗಳಿಗೆ ವೀಕ್ಷಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ ಪಠಾಣ್ ಚಿತ್ರ. ಅದೇ ಕಾರಣಕ್ಕೆ ಶಾರೂಖ್ ಅಭಿಮಾನಿಗಳು ಪಠಾಣ್ ಒಂದು ಅದ್ಭುತ! ಎನ್ನುತ್ತಿದ್ದಾರೆ.ಬರೋಬ್ಬರಿ 4 ವರ್ಷಗಳ ಬಳಿಕ ದೊಡ್ಡ ಸ್ಕ್ರೀನ್ ಗಳಲ್ಲಿ ಕಿಂಗ್ ಖಾನ್ ಕಣ್ಣುಂಬಿಕೊಂಡ ಅಭಿಮಾನಿಗಳು, ಥಿಯೇಟರ್ಗಳಲ್ಲಿ ಹುಚ್ಚೆದ್ದು ಕುಣಿದು ಕುಪ್ಪಳಿಸಿದ್ದಾರೆ. ಮಾತ್ರವಲ್ಲ ಪಟಾಕಿಗಳನ್ನು ಸಿಡಿಸಿ, ಕೇಕ್ಗಳನ್ನು ಕತ್ತರಿಸಿ ಸಂಭ್ರಮಿಸಿದ್ದಾರೆ. ಗಳಿಕೆ ವಿಷಯದಲ್ಲೂ ಬಾಕ್ಸಾಫೀಸನ್ನೇ ಕೊಳ್ಳೆ ಹೊಡೆದಿದೆ.ಚಿತ್ರವು ಮೊದಲ ದಿನವೇ ಹೊಸ ಮೈಲಿಗಲ್ಲು ಊರಿದೆ. ಎರಡನೇ ದಿನ ನಿನ್ನೆ ಭಾರತ ಒಂದರಲ್ಲೇ ಬರೋಬ್ಬರಿ 70 ಕೋಟಿ ಹಣವನ್ನು ಗಳಿಸುವಲ್ಲಿ ಯಶಸ್ವಿಯಾಗಿದೆ. ಇನ್ನು ರಿಲೀಸ್ ಆಗಿ ಎರಡನೇ ದಿನಕ್ಕೆ ವಿಶ್ವದಾದ್ಯಂತ ಬರೋಬ್ಬರಿ 235 ಕೋಟಿ ರೂಪಾಯಿ
ಹಣವನ್ನು ಗಳಿಸಿದೆ ಎಂದು ವರದಿಯಾಗಿದ್ದು,ದಾಖಲೆ ಬರೆದಿದೆ.
4 ವರ್ಷಗಳ ಬಳಿಕ ಅಭಿನಯ:
4 ವರ್ಷಗಳ ಹಿಂದೆ ಶಾರುಖ್ ‘ಜೀರೋ’ ಸಿನಿಮಾ ಫ್ಲಾಪ್ ಆಗಿತ್ತು.ನಟ ಶಾರುಖ್ ಖಾನ್ 4 ವರ್ಷಗಳ ಬಳಿಕ ಪಠಾಣ್ ಸಿನಿಮಾ ಮೂಲಕ ತೆರೆ ಮೇಲೆ ಬಂದಿದ್ದಾರೆ.ಇದೀಗ ಆರಂಭದಿಂದಲೂ ವಿವಾದವನ್ನು ಎದುರಿಸುತ್ತಿದ್ದ ಪಠಾಣ್ ಸಿನಿಮಾ ರಿಲೀಸ್ ಬಳಿಕ ಬಾಕ್ಸ್ ಆಫೀಸ್ನಲ್ಲಿ ಸದ್ದು ಮಾಡುತ್ತಾ ಇಲ್ವಾ ಎಂದು ಅನೇಕರು ಲೆಕ್ಕ ಹಾಕಿದ್ದರು.ಆದರೆ ಈ ಮೂವಿ ಕಲೆಕ್ಷನ್ ನೋಡಿದ್ರೆ ಎಲ್ಲರೂ ಅಚ್ಚರಿ ಪಡುವಂತಿದೆ.ಚಿತ್ರದಲ್ಲಿ ಸಲ್ಮಾನ್ ಖಾನ್ ಅವರ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಅಭಿಮಾನಿಗಳಿಗೆ ಇಷ್ಟವಾಗಿದೆ. ಸಲ್ಮಾನ್ ಖಾನ್ ಸಣ್ಣ ಪಾತ್ರಕ್ಕೂ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.
