ಸಂಪಾಜೆ: ಸಹಾಯಕ ಕಮಿಷನರ್ ಡಾ. ಯತೀಶ್ ಉಳ್ಳಾಲ್ ನೇತೃತ್ವದಲ್ಲಿ ಸಂಪಾಜೆ ಗ್ರಾಮ ಪಂಚಾಯತ್ ಸಬಾಭವನದಲ್ಲಿ ಗುರುವಾರ ಸಂಪಾಜೆ ಗ್ರಾಮದ ಸಮಸ್ಯೆ ಬಗ್ಗೆ ಸಭೆ ನಡೆಯಿತು. ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಜಿ. ಕೆ ಹಮೀದ್ ಗ್ರಾಮದ ಸುತ್ತಲಿರುವ ಸಮಸ್ಯೆಗಳ ಸಂಪೂರ್ಣ ವಿವರವನ್ನು ಸಹಾಯಕ ಕಮೀಷನರ್ ಗೆ ನೀಡಿದರು. ಸಹಾಯಕ ಕಮಿಷನರ್ ಪ್ಲಾಟಿಂಗ್ ಸಮಸ್ಯೆ ಬಗ್ಗೆ ಪ್ರತಿ ಸರ್ವೆ ನಂಬರ್ ಮಾಹಿತಿ ಪಡೆದುಕೊಂಡರು. ಜಂಟಿ ಸರ್ವೆ ನಡೆಸಿ ಪ್ರತಿ ಸರ್ವೆ ನಂಬರಿನ ಜಾಗದ ವಿಂಗಡಣೆ ಮಾಡಲು ಪೈಲೇಟ್ ಮಾದರಿ ಯೋಜನೆ ರೂಪಿಸಬಹುದು ಎಂದು ಸೂಚಿಸಿದರು. ವಿದ್ಯುತ್ ಸಬ್ ಸ್ಟೇಷನ್ ಸಂಬಂಧಿಸಿದಂತೆ ಈಗಾಗಲೇ ಹಣ ಕಟ್ಟಲು ಆದೇಶ ಆಗಿದೆ. ಕೂಡಲೇ ಅರಣ್ಯ ಇಲಾಖೆಗೆ ಪಾವತಿಸುವಂತೆ, ಈ ಬಗ್ಗೆ ಜಿಲ್ಲಾಧಿಕಾರಿ ಹಾಗೂ ಎಂ.ಡಿ ಗಮನಕ್ಕೆ ತರುತ್ತೇನೆ ಎಂದರು.
ವಿವಿಧ ಸಮಸ್ಯೆಗಳ ಬಗ್ಗೆ ಚರ್ಚೆ
125 ಸರ್ವೆ ನಂಬ್ರದಲ್ಲಿ 94 ಸಿ ಹಕ್ಕು ಪತ್ರ, ಆನೆ ಹಾವಳಿ ಬಗ್ಗೆ ಚರ್ಚೆ ನಡೆಯಿತು. ಅಂಗನವಾಡಿ ಕೇಂದ್ರಕ್ಕೆ ಸ್ಥಳ ಕಾದಿರಿಸುವಿಕೆ ಆನ್ಲೈನ್ ಸಮಸ್ಯೆ, ಪೋಡಿ ಸಮಸ್ಯೆ, ಘನ ತ್ಯಾಜ್ಯ ಸಮಸ್ಯೆ ಗಳ ಬಗ್ಗೆ ಪರಿಹಾರಕ್ಕೆ ಸೂಚಿಸಿದರು. ಕಲ್ಲುಗುಂಡಿ ಪೇಟೆ ಸ್ವಚ್ಛತೆ ಬಗ್ಗೆ ಸಹಾಯಕ ಕಮಿಷನರ್ ಪ್ರಶಂಸೆ ವ್ಯಕ್ತಪಡಿಸಿದರು. ಸಭೆಯಲ್ಲಿ ತಹಶೀಲ್ದಾರ್ ಅನಿತಾ ಲಕ್ಷ್ಮೀ, ವಲಯ ಅರಣ್ಯಧಿಕಾರಿ ಗಿರೀಶ್, ಸರ್ವೆ ಸೂಪರ್ ವೈಸರ್ ಉದಯ, ಮೆಸ್ಕಾಂ ಇಲಾಖೆಯ ಸುಪ್ರೀತ್ ಜೆ, ಅಭಿಷೇಕ್, ಅರೋಗ್ಯ ಅಧಿಕಾರಿ ನಂದಕುಮಾರ್, ಪಿ.ಡಿ.ಒ ಜಯಪ್ರಕಾಶ್, ವಿ ಎ. ಮಿಯಾ ಸಾಬ್ ಮುಲ್ಲಾ, ಅರಣ್ಯ ಪಾಲಕರಾದ ಚಂದ್ರು, ತಾಲೂಕು ಪಂಚಾಯತ್ ಮ್ಯಾನೇಜರ್ ಹರೀಶ್ ಕೆ, ಸೊಸೈಟಿ ಅಧ್ಯಕ್ಷರಾದ ಸೋಮಶೇಖರ್ ಕೊಯಿಂಗಾಜೆ, ಉಪಾಧ್ಯಕ್ಷರಾದ ಲಿಸ್ಸಿ ಮೋನಾಲಿಸಾ ತೆಕ್ಕಿಲ್ ಪ್ರತಿಷ್ಠಾನ ಅಧ್ಯಕ್ಷರಾದ ಶಾಹಿದ್ ಟಿ ಎಂ, ಜಗದೀಶ್ ರೈ, ಯಮುನಾ, ಜಗದೀಶ್ ಕೆ ಪಿ. ಚರ್ಚೆಯಲ್ಲಿ ಪಾಲ್ಗೊಂಡಿದ್ದರು.ಪಂಚಾಯತ್ ಸದಸ್ಯರಾದ ಸುಮತಿ ಶಕ್ತಿವೇಲು, ವಿಮಲಾ ಪ್ರಸಾದ್, ಸುಶೀಲ, ಸುಂದರಿ ಮುಂಡಡ್ಕ, ವಿಜಯ್ ಕುಮಾರ್, ಅಬೂಸಾಲಿ, ಎಸ್. ಕೆ. ಹನೀಫ್, ಸವಾದ್ ಗೂನಡ್ಕ, ಮಾಜಿ ಸದಸ್ಯರುಗಳಾದ ನಾಗೇಶ್ ಪಿ ಆರ್, ರಹೀಂ ಬೀಜದಕಟ್ಟೆ, ಆಶಾ ಕಾರ್ಯಕರ್ತರು, ಅರೋಗ್ಯ ಸಹಾಯಕಿ, ಪಂಚಾಯತ್ ಸಿಬ್ಬಂದಿ ವರ್ಗ ಉಪಸ್ಥಿತರಿದ್ದರು.
>
